عملي الحاسب | دفعة اعدادي

#جديد بتاريخ 15/5/2019 😅
*امتحان الميد بكرا 5 اختياري ب5 درجات ومصدر المذاكرة الباور بتاع اول شابتر introduction وهتحلوا عليه ال31 اختياري الموجودين ف الشيت ص1.2.3 وهتلاقوا حلهم ف ملف "حل شيت الحاسب" ..ومتقلقوش المعيدة هتساعدكم ف العملي
* حاجة تاني ي جماعة مش هتفرق اصدار الاوفيس كام .. لو عندك 2003 اشتغل بيه عادي كدا كدا ف الاكسيل هتكتب دوال .. هيفرق بس ف الword شكل القوايم فوق .. ومش هتفرق اوي عربي ولا انجليزي .. يعني متعرفوش ان كلمة معادلة بالانجليزي equation وحاجات زي كدا 😅
* الناس اللي عايزة فيديوهات شرح .. فاكرين ملف الاختبارات العملي اللي زميلتنا ف كلينك نزلته اللي اسمه «computer practucal test.pdf» .. هتلاقوا شرح الحل بتاعه فيديوهين ع اليوتيوب اهم ⬇
https://youtu.be/RjDzcbS-m1c
https://youtu.be/rQM1xLYLP3Y
بس كدا 😅

تنبيهات مهمة جدا لازم الكل يعرفها

* عشان محدش يجي يقول بعد اي امتحان «اصل فادي قال كذا وضيعنا و و و » انا مش مسئول مسئولية كاملة 100 % ع المعلومات الموجودة تحت لان اغلبها كلام زملاء معانا ف الدفعة وناس كانت بتحضر.. دا غير غدر الدكاترة محدش يعرفلهم 😂 .. مش بخوفكم بس اقصد انبه ان لو حد شايف حاجة غلط ياريت يبلغني ف الكومنتات وانا هغيرها .. وياريت اللي عنده معلومة مفيدة مش موجودة يبلغني برضو اضيفها وبلاش تخبوا معلومات لنفسكم وشغل ث.ع. خلي ربنا يكرمكوا ومتقلقوش كل واحد هياخد نصيبه ف الاخر .. انما غير كدا انا مش ملزوم اني اجاوبلكم ع اسئلة ف المنهج .. دوري اني اجمعلكم كل المعلومات اللي بتتقال ف الشات والكومنتات والملفات وكدا بس .. تقدروا تسألوا بعض ف الشات او ف البوست المخصص لكل مادة وجاوبوا ع بعض
* محدش يحبط حد ولسة بدري وبلاش شغل مش مذاكر وكدا .. كل المطلوب منك انك تبدأ بجد من دلوقتي وتيجي ع نفسك فترة الأمتحانات لحد اما نخلص يوم 8 /6 بس .. الحاسب وعلم النفس ميعملوش حاجة 😅

* انا رفعت كل الداتا «ملفات الpdf والpower point» للناس اللي متعرفش .. ودا بوست الفيس متجدد عشان هنبه ف الكومنتات ع الملفات اللي هضيفها جديدة كل فترة وهتلاقوا فيه طريقة التحميل  .. اللينك 

$$$$$$$$$$$$$$$$$$$$$$$$$$

عملي وميد الحاسب

هيكون يوم الخميس الجاي 16/5 ودي تقسيمة ارقام الجلوس اللينك

* الاوفيس المستخدم ف المعامل هو Office 2007 واللي عنده 2010 مش هيفرق عنه كتير .. واه ينفع تثبت مع اوفيس 2003 اي اوفيس معاه عادي

*دورت ع النت وجبتلكم لينك تحميل مباشر بمجرد دخولك الصفحة هيبدأ التحميل .. حجمه نص جيجا بس ( حمله من واي فاي بلاش باقة عشان هياكلها 😁 ) اللينك : اضغط هنا

هتذاكر منين

قبل م اقول ..روح نزل «كل ملفات الحاسب» دي الاول ..اللينك : اضغط هنا

المفروض حضرتك كنت مركز مع المعيدة وهيا بتشرح وكنت بتطبق معاها ( نصكم بيكون نايم وسرحان عارف 😅 ) ..

بالنسبة للword دا امره سهل .. هما شوية كلام وهتغير اللون وتعمله مايل او تخلي الخط مكلبظ

علي شوية معادلات تجيبها من قايمة insert - equation .. وبعد كدا الاطار هتعمله من خلال الtext box

او بطريقة الجداول insert - table وهتظهر قايمة format هتلعب فيها تظبط بيها الجدول براحتك .. وبرضو لو لقيت شكل هتعمل insert - art ومش لازم نفس الشكل علفكرا

دي تقريبا اهم الحاجات وهتعرف تتصرف

وتقدر تراجع ع النقاط اللي اتشرحت ف الملف اللي اسمه « Pharmacy Word«

اهم حاجة بقي ال excel لان دا مش هتعرف تهبد فيه غير انك تملا الخانات 😂 ..لازم تذاكر الاوامر وتطبقها بنفسك ع البرنامج .. والاوامر دي هتلاقيها ف ملف »excel sheet«

** ودا تبييض لزميلة معانا نزلته بخصوص عملي الحاسب «اهم حاجة التطبيييق» .. اللينك 

* ايه بقي الميد اللي بيقولوا عليه دا افادي 😅

اللي قريته قبل كدا انه عبارة عن 5 اختياري علي اول شابتر ال introduction اللي فيهم software ..hardware بس .. يعني الword وال power point مش هيجيب منهم وهتلاقوا ملفات المحاضرات جوا ملف «كل ملفات الحاسب»

* النماذج اللي المعيدة طبقتها معانا ##مهمة جدا جدا وبتيجي بالظبط## هتلاقوها ف ملف شيت الحاسب اسمه « sheet pharm 2018 « وهتلاقوا الحل بتاعه ف ملف «حل شيت الحاسب» هنا  اللينك 😁

* في برضو واحدة زميلة من clinic نزلت شوية نماذج تجريبية ودول برضو مهمين وياريت تعرفوا تطبقوهم .. هتلاقوهم ف ملف اسمه « computer practucal test »

Finaaaaal

نيجي بقي للفاينل مع انه مش وقته بس تصبيرة كدا 😁

هتذاكروا الباور طبعا وملفاته موجودة مع اللي فوق .. الدوك بيجيب من اسئلة الشيت اللي اسمه « sheet pharm 2018 « وهتلاقوا الحل بتاعه ف ملف «حل شيت الحاسب» اللي قلتلكم عليه فوق 😁

انما في ملف اسمه « Answers of the sheet » دا مش حل الشيت بتاعنا بس هنذاكر اسئلته وبصراحة لسة مشوفتوش هل اللي جواه تبع منهجنا ولا لأ .. بس هبقي اشوف الدنيا لما يجي وقته

بس كدا تقريبا دا كل حاجة اعرفها واحفظوا لينك الصفحة دي عندكم لانه هيبقي متجدد باستمرار وهبقي احط كلمة #جديد كعلامة مميزة .. اللي عنده اضافات ياريت يشاركنا بيها ويكتبها ف كومنت 😁 

Pray for me 😁

Family 58 😍💪