Final of BioPhysics | دفعة اعدادي

Assiut Pharmacy 58 💪 BioPhysics

#جديد : تبييض احمد رماح حلو جدا فرع د.مختار شابتر 3 و 4 للتحميل من هنا

تنبيهات مهمة جدا لازم الكل يعرفها (لو قريتها قبل كدا عديها

* عشان محدش يجي يقول بعد اي امتحان «اصل فادي قال كذا وضيعنا و و و » انا مش مسئول مسئولية كاملة 100 % ع المعلومات الموجودة تحت لان اغلبها كلام زملاء معانا ف الدفعة وناس كانت بتحضر.. دا غير غدر الدكاترة محدش يعرفلهم 😂 .. مش بخوفكم بس اقصد انبه ان لو حد شايف حاجة غلط ياريت يبلغني ف الكومنتات وانا هغيرها .. وياريت اللي عنده معلومة مفيدة مش موجودة يبلغني برضو اضيفها وبلاش تخبوا معلومات لنفسكم وشغل ث.ع. خلي ربنا يكرمكوا ومتقلقوش كل واحد هياخد نصيبه ف الاخر .. انما غير كدا انا مش ملزوم اني اجاوبلكم ع اسئلة ف المنهج .. دوري اني اجمعلكم كل المعلومات اللي بتتقال ف الشات والكومنتات والملفات وكدا بس .. تقدروا تسألوا بعض ف الشات او ف البوست المخصص لكل مادة وجاوبوا ع بعض
* محدش يحبط حد ولسة بدري وبلاش شغل مش مذاكر وكدا .. كل المطلوب منك انك تبدأ بجد من دلوقتي وتيجي ع نفسك فترة الأمتحانات لحد اما نخلص يوم 8 /6 بس .. الحاسب وعلم النفس ميعملوش حاجة 😅

* انا رفعت كل الداتا «ملفات الpdf والpower point» للناس اللي متعرفش .. ودا بوست الفيس متجدد عشان هنبه ف الكومنتات ع الملفات اللي هضيفها جديدة كل فترة وهتلاقوا فيه طريقة التحميل  .. اللينك 

$$$$$$$$$$$$$$$$$$$$$$$$$$

لما اقول «اللينك» مثلا وتلاقوا لونه احمر تبقوا اضغطوا ع الكلمة نفسها 😀👌

الامتحان ان شاء الله يوم الاحد الجاي 19/5 من الساعة 1 ل4

بالنسبة للامتحان هييجي ازاي
الدكتورة غادة كلمت زميلنا ايهاب وتقدر تشوف الشات من هنا 😂💔

الامتحان ١٥٠ فقرة اختياري في  ٣ ساعات يعني السؤال في اقل من دقيقتين 😅💔
الاجابة هتكون للفرعين في سيكشن واحد اللي هو A يعني زي الحيوان الترم اللي فاتت بناء على رقم السؤال توضع الاجابة بغض عن النظر عن ان ده فرع مين وده فرع
ويفضل التظليل بالرصاص لربما تغلط وتحتاج تغير الاجابة

عايز اقول رأيي بس ف الموضوع دا ومش لازم تلتزموا بيه ..ولو حد عنده رأي افضل يقولنا 😁
تقريبا كل نقطة عليها درجة زي بعض .. يعني درجة نقط المسائل زي النظري .. وطبعا المسائل مش عارفين هتيجي one step زي امتحان الميد ولا لأ 😅 .. المهم انا بقول ان النظري اسرع ف حله .. يعني وانت بتحل .. حل النظري ولو لقيت مسائل علم ع السؤال وكمل نظري وبعد م تخلص النظري تبدأ تحل ف المسائل عشان تضمن انك تحل اسئلة اكتر بدل م تقف عند سؤال فيه مسألة وتنسي نفسك ف الوقت ☺😉

بالنسبة للناس اللي بتقول ان الامتحان هييجي اسئلة الفرعين متلخبطين مع بعض .. انا شايف ان مفيش الكلام دا .. والدليل علكدا ان الدكتورة قالت ان كل فرع ورقتين «4صفحات وش وضهر» يبقي اكيد منفصلين 😉👌

نبدأ بقي
BioPhysics 1
فرع د.مختار

* شرح ف شابتر 3 و 4 و 6 بس انما باقي الشباتر مش علينا

* ايه مصدر المذاكرة
الكتاب طبعا رقم واحد لانكم شوفتو جاب امتحان الميد منه ازاي وعرفنا طريقة اسئلته « ومعاه الباور اللي مليان صور دا 😅» ..وتقدر تحمل الباور كامل من هنا

هتقولولي مش بنفهم منه ومليان كلام كتير .. بس انا بقول كدا لان دي المصادر اللي الدكتور هيجيب منها .. بس برضو بنشكر زميلنا ستيفن ع تعبه لانه جهزلنا تبييض وحاول يبسط الدنيا ع قد ميقدر فيه وراجعه مع الدكتور .. تقدر تحمل التبييض كامل من هنا

بس مش هنعتمد ع التبييض كله 100% لانه اكيد مش شامل كل كلمة ف الكتاب .. بس انت وبتذاكر ف التبييض هتمشي مع الكتاب وخصوصا ان ستيفن ف شابتر 3 ركز بشكل كبير ع المسائل اكتر من النظري

* طب ايه موضوع القوانين والمسائل
الدوك شرح قوانين ف شابتر 3.4.6 بس محلش معانا مسائل غير ف شابتر 4 مسألة رقم 1 و 4 ركزوا عليهم وهتلاقوا حل مسائل شابتر 3 و 4 ف ف تبييض ستيفن

* في بعد كدا ورق كورس فيزيا شرح للي حابب يذاكر منه تقدر تحمله من هنا

* ايه المحذوف من شابتر 6
سؤال متكرر كتيير بصراحة
6.3.1 Gamma Camera
6.3.2 Gamma Knife
الشرح اللي بعد العنوانين دول محذوف اللي هوا من صفحة 106 لحد صفحة 111 وجزء من فوق صفحة 112
الدوك شرح لحد صفحة 123 والباقي بعد كدا مش علينا

* نيجي بقي للاسئلة
دا امتحان ميد الفيزيا الفرعين متجاوبين «حل ستيفن 😅» تقدر تحمله من هنا

مستنيين بس اللي بياخدوا كورس فيزيا فرع د.مختار لو خدوا اسئلة ياريت يتكرموا وينزلوها للدفعة

$$$$$$$$$$$$$$$$$

BioPhysics 2
نيجي بقي للفرع التاني بتاع د.غادة

طبعا هنذاكر من الباور لانها تقريبا شرحته كله ..وتقدر تنزله من هنا

وطبعا في ناس مصوراه من كافتريا طب .. بس الصفحة دي « اللينك » مش علينا لانها تبع شابتر 5

الدكتورة شرحت ف الكتاب لحد صفحة 60 وبعد كدا اخر محاضرة شرحت ال optics اللي مش موجود ف الكتاب غير بس تركيب العين قالت اقروه شوية دش من صفحة 73 ل 78
الدكتورة ضافت جزء الoptics عشان سهل وتقدر تجيب منه اسئلة نظري كتير .. زي مثلا ممكن ييجي سؤال بتاع ان قوس قزح بيظهر ف يوم مشمس ممطر .. يعني لو يوم جاف او cloudy يبقي غلط 😅

نيجي للاسئلة بقي

دي اسئلة محاضرة المراجعة اللي كانت قبل امتحان الميد محلولة وكمان معاها حل ال4 اختياري بالخطوات «حل ستيفن برضو 😅» اللينك

دي اسئلة محلولة علي جزء ال fluids اللينك

و دي اسئلة تاني مجمعة من كذا حتة بس لسة مفرزتهاش 😅 اللينك

واخيرا ياريت حد من اللي بياخدوا كورس فيزيا فرع د.غادة ينزلوا الاسئلة ع الجروب 😁

بس كدا دا تقريبا كل حاجة اعرفها .. ياريت لو عندك تعديل او معلومات تاني سيبها ف كومنت ع بوست الفيزيا اللي ع جروب الدفعة .. ودا لينك البوست

وتابعوا الكومنتات اللي ع البوست ي جماعة لاني احتمال مش هقدر اعدل حاجة تاني ف الصفحة غير للضرورة القصوي لان الموضوع متعب ومحتاج وقت دا غير اني شغال ع موبايل اصلا 😁


وف الاخر بنشكر زميلنا ستيفن ع تعبه ف المادة دي وياريت كلنا ندعيله يعدي بالتقدير اللي يستحقه ف كل المواد😂

Prepared by / Fady Anwar

Pray for me 😁

Family 58 😍💪